BQO-da kúshti jel ǵımarattar men kópqabatty úılerdiń shatyryn ushyryp áketti
BQO TJ departamentiniń baspasóz qyzmetinen málim etkenindeı, 7 shilde kúni «Qazgıdromet» RMK oblystyq fılıalynyń málimeti boıynsha jeldiń ekpini sekýndyna 20 metrge deıin jetti.
«Sonyń saldarynan Tasqala aýdany Tasqala aýylynda aýdandyq memlekettik kirister basqarmasy jáne aýdandyq elektr toraby podstantsııasynyń shatyry sypyrylyp tústi. Sondaı-aq Oral qalasynda B.Jumaǵalıev kóshesi 15-mekenjaıynda úsh qabatty turǵyn úı, osy kóshe boıynda «Kolesnıkova» JK pelmen tsehy, Alash kóshesi 57-mekenjaıda salynyp jatqan úsh qabatty úıdiń shatyry julyndy. Qazirgi kezde aqparat naqtylanyp, tıisti jumystar júrgizilýde», dep habarlady vedomstvodan.
Turǵyndardyń sózine qaraǵanda, Terekti aýdany Shalqar kóli jaǵalaýynda demalyp jatqandar alapat daýylǵa tap boldy. Áp-sátte kıiz úılerdi sý basyp, demalyp jatqandar qashyp qutylǵan.
Eske sala keteıik, budan buryn Oral qalasynda shańdy daýyl soqqanyn jazǵan bolatynbyz.