BQO-da kúshti jel 55 aýyldy jaryqsyz qaldyryp, birneshe ǵımarattyń shatyryn julyp áketti
BQO TJ departamentiniń baspasóz qyzmetinen málim etkendeı, ekpini sekýndyna 25 metrge deıin jetken kúshti jeldiń saldarynan 16 903 abonent, sondaı-aq 192 áleýmettik nysan elektr jaryǵynsyz qaldy.
Atap aıtqanda, Terekti aýdanynda — 1 752 abonent pen 19 áleýmettik nysan, Bórlide — 11 756 abonent pen 74 áleýmettik nysan, Shyńǵyrlaýda — 3 395 abonent pen 99 áleýmettik nysan jaryqsyz otyr.
«Sonymen qatar kúshti jel Terekti aýdany Jańa ómir aýylynda Shaǵan aýyldyq okrýgi ákimdiginiń bir qabatty ǵımaratynyń 40 sharshy metr (jalpy aýdany — 288 sharshy metr, 1974 jyly salynǵan) shatyryn julyp túsirdi. Sol sekildi Kemer aýylynda qos qabatty mektep ǵımaratynyń 60 sharshy metr shatyry (jalpy aýdany — 911 sharshy metr, 1993 jyly salynǵan), Ańqatyda dárigerlik ambýlatorııa, Podstepnyıda Podstepnyı-Terekti-RF shekarasy joly boıynda „Zere“ azyq-túlik dúkeni, Toqpaı aýylynda úsh qabatty kóppáterlik turǵyn úı osyndaı kúıge ushyrady» dep habarlady vedomstvodan.
Qazirgi kezde osyndaı oqıǵalardyń jaı-japsary anyqtalyp jatyr.
Eske sala keteıik, budan buryn Batys Qazaqstanda onnan astam aýyldyń jaryqsyz qalǵanyn jazǵan bolatynbyz.