BQO-da qus fabrıkasynda órt shyǵyp, tseh túgeldeı janyp ketti

NUR-SULTAN. QazAqparat – Batys Qazaqstan oblysynda qus fabrıkasynda órt shyqty, dep habarlaıdy QazAqparat tilshisi.

BQO tótenshe jaǵdaılar departamentiniń baspasóz qyzmetinen málim etkendeı, oqıǵa 20 tamyz kúni Báıterek aýdany Şapov aýylynda boldy.

«Saǵat 12:20-da aýyl mańynda ornalasqan qus fabrıkasynyń tsehy janyp jatqany jóninde habar tústi. «Tilsiz jaýdy» aýyzdyqtaýǵa 21 adam (5 tehnıka) jumyldyryldy. Órt saǵat 14:13-te tolyqtaı joıyldy. Órt saldarynan jalpy aýmaǵy shamamen 1 875 sharshy metr qusqa arnalyp salynǵan tseh túgeldeı janyp ketti. Adamdar aman. Qazirgi kezde órttiń shyǵý sebebi, kináli adamdar, keltirilgen shyǵyn anyqtalý ústinde», - dep habarlady vedomstvodan.

Eske sala keteıik, budan buryn BQO-da jel aýdandyq sot ǵımaratynyń shatyryn ushyryp áketkenin, 2 turǵyn úıdiń qorasymen birge órtenip ketkenin jazǵan bolatynbyz.