BQO-da quny 714 mln teńge turatyn temeki ónimderin shekaradan qujatsyz alyp ótpek bolǵan

<p>ORAL. KAZINFORM &ndash; Batys Qazaqstan oblysynda shekaradan kólemi 870,6 myń qorap temeki ónimin shekaradan qujatsyz jáne sáıkestendirýsiz alyp ótpek bolǵan júk kóligi toqtatyldy.Atalǵan derekti BQO boıynsha memlekettik kirister departamenti QR UQK shekara qyzmetimen birlese otyryp anyqtady.</p>

BQO boıynsha memlekettik kirister departamentiniń baspasóz qyzmetinen málim etkenindeı, tómengi baǵamen eseptegende, fıltrli temekiniń jalpy quny 713,9 mln teńge bolyp shyqty.

Foto: BQO memlekettik kirister departamenti

«Bul derekke qatysty materıaldar BQO boıynsha ekonomıkalyq tergep-tekserý departamentine protsessýaldyq sheshim qabyldaýǵa joldandy», - dep habarlady vedomstvodan.

BQO boıynsha ekonomıkalyq tergep-tekserý departamentiniń baspasóz qyzmeti aqparatty keıin beretinin jetkizdi.

Eske sala keteıik, budan buryn BQO-da 31 mln teńgeniń zańsyz temeki ónimderin satýmen aınalysqan kásipkerdiń sottalǵanyn jazǵan bolatynbyz.