BQO-da qostanaılyqtarǵa qarajat jınaý úshin ortalyqtandyrylǵan esepshot ashyldy

ORAL. QazAqparat – Batys Qazaqstan oblysynda tabıǵı apattan zardap shekken qostanaılyqtarǵa qarajat jınaý úshin ortalyqtandyrylǵan esepshot ashyldy. Bul týraly oblys ákimi Ǵalı Esqalıev Feısbýktegi paraqshasynda jazdy, dep habarlaıdy QazAqparat tilshisi.

Ǵ.Esqalıevtiń málim etkenindeı, ol Qostanaı oblysyndaǵy áriptesterimen sóılesip, óńir turǵyndarynyń alańdaýshylyǵyn bildirgen.

Sonymen birge Aq Jaıyq jurtshylyǵy zardap shekkenderge kómek kórsetýge daıyn ekenin jetkizgen.

«Qostanaılyq áriptester túsetin qarajattar bir esepshotqa jınalyp, qoǵam ókilderinen turatyn komıssııa qurylatynyn jáne túsken qarajattyń qaıda jumsalǵany týraly esep beriletinin de aıtty. Sondaı-aq, qazirgi tańda azyq-túlik pen kıim-keshektiń asa qajettiligi joq ekenin jáne qajetti nárseler jınalǵan qordan qarastyrylyp alynatynyn jetkizdi.

Ókinishke oraı, osyndaı tótenshe jaǵdaı kezinde alaıaqtardyń da paıda bolatyny belgili. Sol sebepti kómek kórsetýge nıet bildirgen batysqazaqstandyqtar úshin ortalyqtandyrylǵan bir esepshot ashylǵanyn habarlaımyn.

Esepshot týraly aqparat:

Kaspi Bank: 4400 4302 8692 1520

[phone] Aıgúl Túrkına (qoǵam belsendisi)», - dep jazdy oblys ákimi.

Eske sala keteıik, budan buryn Qostanaı oblysynda tabıǵı apattan zardap shekkenderge BQO-dan kómek uıymdastyrylyp jatqanyn jazǵan bolatynbyz.

Foto: www.facebook.com/gali.iskaliyev