BQO-da kórshiles óńirlermen shekarada blok-posttar jumys isteýde
BQO taýarlar men kórsetiletin qyzmetterdiń sapasy men qaýipsizdigin baqylaý departamentinen alynǵan málimetke qaraǵanda, Aqtóbe jáne Atyraý oblystarymen shekaralarda blok-posttar 21 naýryzdan bastap qoıyldy.
Sanıtarlyq blok-posttar BQO-nyń Shyńǵyrlaý aýdany men Aqtóbe, jáne de Aqjaıyq aýdany men Atyraý oblysynyń shekarasynda tur. Olarda táýlik boıy polıtsııa jáne sanıtarlyq-epıdemıologııalyq qyzmet jumys istep, saýalnama júrgizýde.
Kúni búginge deıin Aqjaıyq blok-postynda 321, Shyńǵyrlaýda 1058 azamattan saýalnama alyndy.
Blok-posttardan ótken jolaýshylardyń barlyǵynda densaýlyq jaǵdaıyna shaǵymdary bolǵan joq.
Jumys jalǵasýda.
Qazirgi ýaqytta oblys boıynsha shet elden kelgen 125 adam baqylanýda. Sonyń ishinde 1 «a» sanatyna jatatyn 15 adam karantınde jatyr. Sondaı-aq 1 «b» sanatynda 109 adam úı karantıninde. 2-sanatqa jatatyn bir adam úıinde.
Eske sala keteıik, budan buryn BQO-da vırýs týraly jalǵan vıdeo taratqan er adam keshirim suraǵanyn jazǵan bolatynbyz.