BQO-da koronavırýstan kóz jumǵandardyń 70 paıyzy egde adamdar

ORAL. QazAqparat – Batys Qazaqstan oblysynda jyl basynan beri koronavırýstan 218 adam kóz jumdy, dep habarlaıdy QazAqparat tilshisi.

BQO densaýlyq saqtaý basqarmasy basshysynyń mindetin atqarýshy Arman Qalıbekovtiń málim etkenindeı, sonyń 155-i nemese 71 paıyzy – 65 jastan asqandar.

Sondaı-aq 61-i nemese 28 paıyzy – 40-65 jas aralyǵyndaǵylar, ekeýi nemese 1 paıyzy – 40-qa deıingiler.

Arman Talǵatulynyń sózine qaraǵanda, 194-iniń nemese 90 paıyzynyń sozylmaly dertteri bolǵan. Sonyń ishinde 70 paıyzy júrek-qan tamyrlary aýrýlary, 12 paıyzy qant dıabeti, 18 paıyzy basqa dertke shaldyqqan.

Sanıtarlyq-epıdemıologııalyq rejımniń saqtalmaýy jáne turǵyndardyń adamdar kóp jınalatyn jerlerge barýy saldarynan ınfektsııalyq statsıonar, sonyń ishinde jansaqtaý bólimshelerinde jatqandar sany kóbeıýde.

Atap aıtqanda, jansaqtaý bólimshelerinde emdelýshiler sany 40-qa jetti. Bulardyń úsheýi – 50-ge deıingiler, altaýy – 50-60, 24-i – 60-80 jas aralyǵyndaǵylar, jeteýi – seksennen asqandar. Sonyń ishinde 57,5 paıyzynyń (23 naýqastyń) sozylmaly dertteri bar. 18-i júrek-qan tamyrlary aýrýlary, beseýi qant dıabetimen aýyrady.

«Sońǵy aptada (24-30 maýsym, orta eseppen 498 emdelýshi) aldyńǵymen (17-23 maýsym, 443 emdelýshi) salystyrǵanda, ınfektsııalyq statsıonarda jatqandar sany 11,1 paıyzǵa ósip otyr. Osyǵan baılanysty turǵyndardan karantındik sharalardy barynsha qatań saqtap, ózin jáne jaqyn-jýyqtaryn asa qaýipti indetten qorǵaýǵa shaqyramyz», dedi A.Qalıbekov.

Eske sala keteıik, budan buryn BQO-da ekpe alǵandar arasynda lotereıaǵa bas júldege avtokólik tigilgenin, bir aptada koronavırýs juqtyrǵandar shamamen 30 paıyzǵa óskenin jazǵan bolatynbyz.