BQO-da koronavırýs juqtyrǵan 1,4 myńǵa jýyq naýqas ambýlatorııada emdelip júr

ORAL. QazAqparat – Batys Qazaqstan oblysynda koronavırýs juqtyrǵan 1359 naýqas ambýlatorlyq em alyp jatyr, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, sonymen qatar 511 adam ınfektsııalyq statsıonarlarda emdelýde.

Sonyń ishinde Oralda 401, Aqsaı qalasynda 52 naýqas em qabyldaýda. Qalǵandary oblys aýdandarynda.

Basqarma málimetine qaraǵanda, kúni búgin 39 adam jansaqtaý bóliminde. Sonyń beseýi jasandy tynys alý apparatyna qosylǵan.

Oblysta sońǵy táýlikte koronavırýs juqtyrǵan 124 adam tirkeldi. Sondaı-aq sońǵy táýlikte 127 naýqas jazylyp shyqty.

Óńirde turǵyndardy indetke qarsy vaktsınatsııalaý jumystary jalǵasýda.

Eske sala keteıik, budan buryn BQO-da sońǵy tórt táýlikte 335 adamnan indet anyqtalǵanyn, Batys Qazaqstanda 209 myńǵa jýyq adamnyń koronavırýsqa qarsy vaktsına saldyrǵanyn jazǵan bolatynbyz.