BQO-da kommýnaldyq qyzmettiń basshylary qarjy jymqyrǵany úshin sottaldy

ORAL. QazAqparat - Batys Qazaqstan oblysy «Terekti - taza sý» mekemesiniń laýazymdy tulǵalary bıýdjet qaratyn jymqyrǵany úshin sottaldy, dep habarlaıdy QazAqparat.

Antıkordyń málimetinshe, Terekti aýdandyq sotymen «Terekti-taza sý» memlekettik kásipornynyń laýazymdy tulǵalaryna qatysty úkim jarııalandy.

«Sot úkimimen kásiporyn dırektory 7,5 jylǵa jáne bas býhgalter 7 jylǵa bas bostandyǵynan aıyryldy.

Ekeýi de ózine jáne uıym qyzmetkerlerine jalaqyny artyq aýdarý, sondaı-aq jetkizýshilerge naqty oryndalmaǵan jumystar úshin bıýdjet qarajatyn negizsiz aýdarý arqyly 162 mıllıon teńge somasynda bıýdjet qarajatyn jymqyrdy dep aıyptaldy», - dep jazdy vedomstvodan.

Sottalǵandar ómir boıy memlekettik qyzmette, jergilikti ózin-ózi basqarý organdarynda, qarjy uıymdarynda jáne kvazımemlekettik sektorda laýazymdardy atqarý quqyǵynan aıyryldy.

Sot úkimi zańdy kúshine engen joq.