BQO-da kóliktik baqylaý ınspektsııasynyń úsh qyzmetkeri para aldy degen kúdikke ilindi

ORAL. QazAqparat – Batys Qazaqstan oblysynda kóliktik baqylaý ınspektsııasynyń úsh qyzmetkeri para aldy degen kúdikke ilindi, dep habarlaıdy QazAqparat tilshisi.

BQO boıynsha sybaılas jemqorlyqqa qarsy is-qımyl departamentinen málim etkenindeı, qazirgi kezde sotqa deıingi tergeý amaldary júrgizilýde.

«Atalmysh ınspektsııanyń laýazymdy qyzmetkerleri T. degen azamattan Reseı Federatsııasynan kele jatqan shamadan tys júk (astyq) tıelgen aýyr júk kólikteriniń Samara-Shymkent avtojoly arqyly kóliktik baqylaýdyń jyljymaly beketinen kedergisiz ótýi úshin birneshe ret para aldy dep aıyptalyp otyr. QR Qylmystyq is júrgizý kodeksiniń 201-babyna sáıkes tergeý múddesi úshin ózge aqparat taratýǵa jatpaıdy», dep habarlady vedomstvodan.

Eske sala keteıik, budan buryn BQO-da polıtsııa qyzmetkeri para aldy degen kúdikke ilingenin jazǵan bolatynbyz.