BQO-da QAJ mekemesiniń qyzmetkeri para alǵany úshin sottaldy
Arnaıy is-sharalar materıaldary negizinde sybaılas jemqorlyqqa qarsy is-qımyl qyzmeti Qylmystyq kodekstiń 366-babynyń 2-bóligi (Para alý) boıynsha sotqa deıingi tergep-tekserýdi tirkedi.
«Júrgizilgen is-sharalar barysynda deldal arqyly 15 myń teńge kóleminde kezekti para alý jáne 3 uıaly telefondy alyp kirgeni úshin mekemeniń rejımdik bólimi bastyǵynyń m.a. qylmys ústinde ustaldy. Buǵan qosa, mekeme qyzmetkeriniń tyıym salynǵan marıhýana zattaryn ákelý faktileri anyqtaldy. Іs boıynsha jaýap alynǵan kúdikti mekeme qyzmetkeri kinásin moıyndady», - dep habarlady oblystyq prokýratýradan.
Oral qalalyq sotynyń 16.07.2024 jylǵy úkimimen mekeme qyzmetkeri Qylmystyq kodekstiń 366-babynyń 2-bóligi boıynsha para somasynyń otyz eselengen mólsherinde, ıaǵnı 450 myń teńge aıyppul salýmen sottaldy.
Osy úkimmen taǵy 2 adamǵa qatysty túrli merzimge bas bostandyǵynan aıyrý jazasy taǵaıyndaldy.
Úkim zańdy kúshine endi.