BQO-da qaýipti hımııalyq zat tıelgen fýra aýdaryldy
Batys Qazaqstan oblysynyń Báıterek aýdanynda 21 tonna hımııalyq zat — tetragıdrofýrandy Belarýs Respýblıkasynan tasymaldap kele jatqan júk kóligi joldan shyǵyp, aýdarylyp ketken. Saldarynan suıyqtyǵy bar ydystar da jerge túsken. Degenmen suıyqtyq syrtqa tógilmegen. TJM qyzmetkerleri birden qaýipti zattyń aǵyp ketý qaýpi men halyq pen qorshaǵan ortaǵa tónetin qaýipti tekserdi.
— Radıatsııalyq-hımııalyq qyzmet onyń aýadaǵy shoǵyrlanýyn ólshedi. Qater tabylmady. Sondaı-aq TJM qyzmetkerleri kólik júrgizýshisine júkti qaýipsiz tıeýge jáne júkti odan ári tasymaldaýǵa kómektesti. Operatsııa sátti aıaqtaldy, — delingen vedomstvo habarlamasynda.
Eske salsaq, buǵan deıin BQO-da jedel járdem feldsherleri 60 jastaǵy er adamnyń ómirin saqtap qalǵanyn habarlaǵan edik.