BQO-da qatty aıazda aýyl turǵyndary gazsyz qaldy

ORAL. QazAqparat – Batys Qazaqstan oblysynda qatty aıazda aýyl turǵyndary gazsyz qaldy, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkeninleı, oqıǵa 10 qańtar kúni Báıterek aýdany Mahambet aýyldyq okrýgine qarasty Gorbýnov aýylynda boldy.

«Atalmysh eldi mekende saǵat 09.25-te gaz apattyq jaǵdaıda aıyrylǵan. Saldarynan 31 abonent gazsyz qaldy. Syrtta 30 gradýs aıaz. Gaz qubyry «Álııa servıs» JShS jeke uıymyna tıesili. Qazirgi kezde qalpyna keltirý jumystaryna atalǵan JShS-dan 4 qyzmetker, 1 tehnıka jáne «QazTransGazAımaq» AQ-dan 4 qyzmetker, 1 tehnıka jumyldyryldy»,-dep habarlady vedomstvodan.

Sonymen qatar osy aýdannyń Trekın aýylynda gaz qysymy tómendegen, brıgada jumystanýda.

«Tańǵy saǵat 05.00-den kete elektr jaryǵy sónip, 10.00-de jandy. Biraz ýaqyttan beri gazdyń qysymy shamaly, jyltyrap janyp tur», dedi QazAqparat tilshisine Trekın aýylynyń turǵyny Qýanysh Taýbaev.

Eske sala keteıik, budan buryn budan buryn BQO-da aıazdyń kúsheıýine baılanysty kólik qozǵalysy shektelgenin jazǵan bolatynbyz.