BQO-da qarajattyń jetispeýine baılanysty turǵyn úı qurylysy kesheýildep otyr

<p>ORAL. KAZINFORM &ndash; Batys Qazaqstan oblysynda bıyl &laquo;Turǵyn úı-kommýnaldyq ınfraqurylymdy damytýdyń tujyrymdamasy&raquo; aıasynda jergilikti atqarýshy organ kezeginde turǵandar úshin 10 kóppáterli turǵyn úı (1 412 páter) jáne jalǵa beriletin 6 úı (122 páter) salý kózdelip otyr.</p>

BQO qurylys basqarmasy basshysynyń orynbasary Darhan Abdrashıtovtiń málim etkenindeı, turǵyn úı qurylysyna barlyǵy 33,5 mlrd teńge qarastyrylǵan.

Onyń sózine qaraǵanda, 2024 jyly 633 myń sharshy metr turǵyn úıdi paıdalanýǵa berý josparlanǵan. Tórt aıdyń qorytyndysy boıynsha 125,8 myń sharshy metr turǵyn úı (101,7 paıyz) iske qosyldy.

«Qarajat tolyq bólingen jaǵdaıda jyl qorytyndysy boıynsha bıýdjet esebinen 1 998 páter qoldanysqa beriledi. Sonyń ishinde 758-i satyp alynady, 1 240 páter salynady. Halyqtyń áleýmettik jaǵynan osal toptaryna kommýnaldyq turǵyn úı qorynan 229 páter satyp alýǵa respýblıkalyq bıýdjetten 2,9 mlrd, oblys qazynasy esebinen 1,2 mlrd teńge qarastyrylǵan. Sonymen qatar oblysqa memlekettik baǵaly qaǵazdar esebinen halyqtyń áleýmettik jaǵynan osal toptary úshin 529 páter satyp alýǵa 8,2 mlrd teńge bólindi», dedi D.Abdrashıtov.

Basqarma basshysy orynbasarynyń aıtýynsha, jyl sońyna deıin qarajat tolyq bólingen jaǵdaıda bıýdjet esebinen kezekti turǵandar úshin 7 kópqabatty (998 páter) jáne aýyldarda 26 turǵyn úıdi (242 páter) paıdalanýǵa berý josparlanýda.

«Qazirgi tańdaǵy problemalyq másele, qolma-qol aqshany baqylaý shotynda qarjynyń jetkiliksizdigine baılanysty respýblıkalyq bıýdjetten naýryz-mamyr aıynda túsýi tıis qarajat maýsymǵa aýystyryldy. Oǵan qosa nesıelik turǵyn úı qurylysyn aıaqtaýǵa jáne jalǵastyrýǵa memlekettik baǵaly qaǵazdar shyǵarý esebinen qaralatyn qarajattyń tolyq kólemde bólinbeý máselesi týyndap otyr. Qurylysqa qarajattyń tolyq kólemde bólinbeýi jáne kesh túsýi nysandardaǵy qurylys-montaj jumystarynyń kesheýildeýine, toqtaýyna, sondaı-aq merziminiń uzarýyna ákelýde», dedi D.Abdrashıtov.

Eske sala keteıik, budan buryn BQO-da salynyp jatqan úıdiń qabyrǵasy qulaýyna baılanysty aýdan ákimi men basqarma basshysyna eskertý jarııalanǵanyn jazǵan bolatynbyz.