BQO-da ınfektsııalyq statsıonarlar sany qysqartyldy

ORAL. QazAqparat – Batys Qazaqstan oblysynda ınfektsııalyq statsıonarlar sany qysqartyldy, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, qazirgi kezde 200 tósektik bir ǵana aýrýhanada 3 naýqas emdelýde.

Sonyń ishinde bireýi jansaqtaý bólimshesinde, ol ınvazıvti emes jasandy tynys alý apparatyna qosylǵan.

Óńirde pandemııa bastalǵannan beri 49 654 naýqas tirkeldi.

Sońǵy táýlikte 1 adamnan indet tabylsa, 186 emdelýshi jazylyp shyqty.

Jyl basynan beri 43 adam koronavırýstan kóz jumdy. Sońǵy aptada qaıtys bolǵandar tirkelgen joq.

Basqarmadan túsken málimetke qaraǵanda, 274 642 adam koronavırýsqa qarsy vaktsınanyń birinshi komponentin saldyrdy, bul – egilýge jatatyn turǵyndardyń 66,3 paıyzy.

Sondaı-aq 264 441-i (63,8 paıyzy) ekinshi komponentpen egildi.

Oblys boıynsha 72 022 adam revaktsınatsııadan ótti.

Pfizer kompanııasynyń vaktsınasyn 10 970 adam saldyrsa, sonyń 419-y – júkti, 4 862-si – bala emizetin áıelder, 5 675-i – jasóspirimder, 12-si – múgedekter, ekeýi – shetelge emdelýge joldama alǵandar.

Eske sala keteıik, budan buryn Batys Qazaqstanda 274 myńnan astam adamnyń koronavırýsqa qarsy ekpe saldyrǵanyn jazǵan bolatynbyz.