BQO-da halyqty aýyz sýmen qamtý deńgeıi 90 paıyzǵa jetedi – Ǵalı Esqalıev

NUR-SULTAN. QazAqparat – Batys Qazaqstan oblysynyń ákimi Ǵalı Esqalıev óńirdegi gazdandyrý jáne sýmen qamtý sharalaryn baıandady, dep habarlaıdy QazAqparat.

«Bıyl 36 aýyldy gazben qamtý josparlanyp otyr. Nátıjesinde oblys turǵyndaryn tabıǵı gazben qamtý úlesi 99,5%-dy quraıtyn bolady», - dedi óńir ákimi Ǵalı Esqalıev Ortalyq kommýnıkatsııalar qyzmetinde ótken baspasóz máslıhatynda.

Ákimniń aıtýynsha, 21 eldimekendi sýmen qamtý úshin 5,3 mlrd teńge qarastyrylǵan.

Jyl sońyna deıin aýyl turǵyndaryn ortalyqtandyrylǵan sýmen qamtý 90%-ǵa deıin ósedi.

Sonymen birge, Prezıdent tapsyrmasy aıasynda 250-den astam turǵyny bar 68 aýylda mobıldi ınternet júrgizilgen.

«Búgingi tańda oblys halqynyń 96%-y mobıldi baılanyspen qamtamasyz etilgen. Degenmen, uıaly baılanys pen ınternettiń sapasy máselesi áli de bar. 2021 jyly uıaly baılanysy joq halqy az 95 aýyldy uıaly baılanyspen qamtamasyz etý máselesin sheshýdi josparlap otyrmyz», - deıdi óńir ákimi.