BQO-da gazdandyrylmaǵan 47 eldi meken qalyp otyr

<p>ORAL. KAZINFORM &ndash; Batys Qazaqstan oblysynda 413 eldi mekenniń 366-sy tabıǵı gazben qamtamasyz etilgen.&nbsp;</p>

BQO ákimi Narıman Tóreǵalıevtiń aıtýynsha, gazdandyrylmaǵan eldi mekender sany – 47.
Onyń sózine qaraǵanda, 4 eldi meken, atap aıtqanda, Báıterek aýdanynyń Razdolnyı, Jánibektiń Talov, Borsy jáne Qamysty aýyldary Reseı Federatsııasynyń gaz qubyryna qosylǵan.

«Osyǵan baılanysty eldi mekenderdiń energetıkalyq qaýipsizdigi úshin atalǵan aýyldardy otandyq gaz qubyryna qosý jolymen gazdandyrý týraly sheshim qabyldandy. Qazirgi tańda gazben jabdyqtaýǵa jobalar ázirlenýde», - dedi óńir basshysy.

Ákimniń sózine qaraǵanda, Memleket basshysy óndiriletin elektr qýatyn 1,5 esege deıin ulǵaıtý qajettiligin atap ótti.

«Bıyl Terekti aýdany Poıma aýylynda jeke ınvestıtsııalar esebinen kún elektr stantsııasy qurylysyn bastaý kózdelýde. Bul joba 20 MVt kóleminde kún elektr qýatyn óndirýge, óńirdegi energııa kózin arttyrýǵa múmkindik beredi. Qurylys merzimi – 2 jyl», - dedi N.Tóreǵalıev.

Eske sala keteıik, budan buryn Batys Qazaqstan oblysynda 30 mekteptiń qurylysy júrgiziletinin jazǵan bolatynbyz.