BQO-da esirtki zattaryn shekaradan zańsyz alyp ótpek bolǵan eki adam sottaldy

<p>ORAL. KAZINFORM &ndash; Bórli aýdandyq sotynda ıA. jáne B. degen azamatqa qatysty úkim shyqty.</p>

BQO sotynyń baspasóz qyzmetinen málim etkenindeı, atalǵan eki adam «Aqsaı» baqylaý-ótkizý beketinde shekarashylardyń baqylaýynan ótý kezinde ustalǵan. Olardy teksergende esirtki zattary tabyldy. 

«Sot úkimimen ıA. jáne B. QR QK 24-baby 3-bóligi, 286-baby 1-bóligi, 296-baby 2-bóligine sáıkes esirtki zatyn ótkizý maqsatynsyz zańsyz satyp alǵany, saqtaǵany, tasymaldaǵany jáne kontrabandaǵa oqtalyp, Qazaqstan Respýblıkasynyń memlekettik shekarasy arqyly zańsyz ótkizgeni (olarǵa baılanysty emes mán-jaılar boıynsha áreket sońyna deıin jetkizilmegen) úshin kináli dep tanyldy. Olardyń árqaısysyna múlki tárkilenbesten 200 AEK mólsherinde 738 400 teńge aıyppul kesildi. Sot jaza taǵaıyndaý kezinde sottalýshylardyń jeke basyn, turaqty jumys orny, aıyppul tóleýge múmkindikteri, oń minezdemeleri bar ekendigin, jaýaptylyqty jeńildetetin, aýyrlatatyn mán-jaılardy eskerdi», dep habarlady vedomstvodan.

Eske sala keteıik, budan buryn BQO-da 10 jastaǵy balaǵa býllıng jasalýyna baılanysty jasóspirimniń anasy jaýapqa tartylǵanyn jazǵan edik.