BQO-da esepshi jymqyrǵan aqshasyn qumar oıynǵa salyp jibergen

<p>ORAL. KAZINFORM &ndash; BQO Qaratóbe aýdandyq soty memlekettik mekemeniń qarajatyn jymqyrǵan esepshige úkim shyǵardy.</p>

«Sottyń úkimine sáıkes ol 3 jyl 6 aı merzimge bas bostandyǵynan jáne sol merzimge býhgalterlik qyzmetpen aınalysý quqyǵynan aıyryldy.

Batys Qazaqstan oblysynyń Qaratóbe aýdandyq prokýratýrasy esepshiniń mekeme basshysynyń elektrondyq tsıfrlyq qoltańbasyn zańsyz qoldanyp, 7 mln teńgege jýyq qarajatty jymqyrǵanyn anyqtady», — dep jazdy vedomstvodan.

Osy derek boıynsha aýdan prokýratýrasy Qylmystyq kodekstiń 189-babynyń 3-bóligi 1-tarmaǵymen (ózine senip tapsyrylǵan múlikti iri mólsherde jymqyrý jáne talan-tarajǵa salý) sotqa deıingi tergep-tekserýdi bastaǵan.

Kelgen shyǵynnyń 1 mln astamyn ǵana qaıtarǵan sottalýshy sot protsesinde jymqyrǵan qarajatty qumar oıyndarǵa jaratqanyn aıtty.

Úkim zańdy kúshine engen joq.