BQO-da elýden astam eldi mekenge sý qubyry tartylady

ORAL. QazAqparat - Batys Qazaqstan oblysynyń barlyq on eki aýdanynda bıyl 5 mlrd-tan astam teńgege elýden astam eldi mekenge sý qubyryn tartý jumystary bastalmaq, dep habarlaıdy «QazAqparat» HAA tilshisi.

Oblys ákimi Altaı Kólginovtiń aıtýynsha, óńirde 164 aýyl ǵana ortalyqtandyrylǵan taza sýmen qamtylǵan. Bylaısha aıtqanda, 440 eldi mekenniń 36 paıyzyna sý jetkizilgen. Sý máselesi, ásirese, Jańaqala aýdanynda ótkir tur. Munda turǵyndardyń 70 paıyzy sapasyz sýdy paıdalanýda. Sol sebepti jetkilikti qory bar sý kózi izdestirildi. Sonyń nátıjesinde Bókeı ordasy aýdanymen shekaradaǵy Qulshyq degen jerden sý kózi tabyldy. Endi 2,5 mlrd teńgege sol jerden sý qubyry tartylatyn bolady.

«Sonymen qatar Aqsaı qalasynda 29 km jylý júıesi, oblystyń tórt aýdanynda 185 shaqyrymnan astam sý qubyry qaıta qurylatyn bolady», - dedi Altaı Kólginov.