BQO-da eks polıtseı ustaldy: qaza tapqan 30 jastaǵy jigittiń qyzy dúnıege keldi

<p>ORAL. KAZINFORM &ndash; Batys Qazaqstan oblysy Tasqala aýdany Tasqala aýylynda 30 jastaǵy jigit qaza tapty.</p>

Oqıǵa 17 qarashaǵa qaraǵan túni bolǵan. BQO densaýlyq saqtaý basqarmasy baspasóz qyzmetiniń naqtylaýynsha, 1994 jylǵy jigitti Tasqala aýdandyq aýrýhanasynyń qabyldaý bólimine qasyndaǵy dostary jantalasqan kúıinde alyp kelgen.

«Kelgen kezde arterıaldyq qan qysymy - 0, pýlsi - 0, kóz qarashyǵy keńeıgen, fotoreaktsııa bolmaǵan. Reanımatsııalyq sharalar júrgizilgenine qaramastan, saǵat 02.30-da bıologııalyq ólim tirkeldi. Qasyndaǵylardyń aıtýynsha, tóbelesten soń jaǵdaıy kúrt nasharlap, esin joǵaltqan. Aýrýhanaǵa ózderi mashınamen jetkizdi», - dep habarlady vedomstvodan. 

Áleýmettik jelidegi jazbalarǵa qaraǵanda, kúdikti arnaıy jedel áreket etý jasaǵynda qyzmet etken. 

Turǵyndar sondaı-aq 19 qarasha kúni marqumnyń kelinshegi merziminen buryn qyz bosanǵanyn habarlady. Sondaı-aq feldsher bolyp jumys istegen jigit 20 qarasha kúni jer qoınyna beriledi.

Budan buryn jazǵanymyzdaı, adam ólimine qatysty kúdikpen burynǵy polıtsııa qyzmetkeri ustalǵan bolatyn.