BQO-da eki avtokólik soqtyǵysyp, 60 jastaǵy áıel mert boldy

ORAL. QazAqparat – Batys Qazaqstan oblysynda eki avtokólik soqtyǵysyp, 60 jastaǵy áıel mert boldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, 21 aqpan kúni saǵat 20.30-da Terekti aýdany aýmaǵynda boldy.

Podstepnyı-Elek jolynyń 29-shaqyrymynda 61 jastaǵy júrgizýshi rýlinde bolǵan «Lada Granta» men 1965 jylǵy Oral qalasynyń turǵyny aıdap kele jatqan «KIA» avtokóligi betpe-bet soqtyǵysqan.

Sonyń saldarynan «Lada Granta» avtokóliginde otyrǵan 1962 jylǵy jolaýshy áıel oqıǵa ornynda kóz jumdy.

Atalǵan derek boıynsha QR QK 345-baby 3-bóligine sáıkes sotqa deıingi tergeý amaldary júrgizilýde.

BQO polıtsııa departamenti júrgizýshilerge aýa raıyn eskere otyryp, jol júrý erejesin qatań saqtaý kerektigin eske salady.

Eske sala keteıik, budan buryn BQO-da tumanǵa baılanysty birneshe respýblıkalyq jol jabylǵanyn jazǵan bolatynbyz.