BQO-da eki bala metapnevmovırýske shaldyqty

<p>ORAL. KAZINFORM &mdash; Batys Qazaqstan oblysynda eki adamnyń metapnevmovırýspen syrqattanǵany tirkeldi.</p>

BQO sanıtarııalyq-epıdemıologııalyq baqylaý departamentiniń baspasóz qyzmetinen málim etkenindeı, olardyń ekeýi de — 14 jasqa deıingi balalar.

Metapnevmovırýs — kóptegen elderde, sonyń ishinde Qazaqstanda JRVI jáne tumaý aýrýlarynyń maýsymdyq órshý kezeńinde belsendi aınalymda bolatyn vırýstardyń biri. Ol ınfektsııalardyń basqa túrlerimen qatar negizinen aýa-tamshy jolymen taralady.

— Departament oblys halqyn aldyn alý sharalaryn saqtaýǵa jáne adamdar kóp jınalatyn jerlerge barýdy shekteýge shaqyrady. Bul, ásirese, sozylmaly aýrýlary bar turǵyndarǵa qatysty. Úı-jaılardy únemi jeldetip otyrý, naýqas adamdarmen baılanysty shekteý, olardy oqshaýlaýdy qamtamasyz etý mańyzdy. Tumaý jáne JRVI belgileri paıda bolǵan kezde balalardy úıde ustap, mektepke deıingi uıymdar men mektepterge jibermeý kerek. Eger aýrýdyń belgileri paıda bolsa, medıtsınalyq kómekke der kezinde júgingen abzal, — dep habarlady vedomstvodan.

Eske sala keteıik, budan buryn Batys Qazaqstanda shoshqa tumaýyna shaldyqqan balalar sany 16 paıyzǵa kóbeıip ketkenin jazǵan bolatynbyz.