BQO-da egilýge jatatyn turǵyndardyń 65 paıyzdan astamy vaktsına saldyrdy

Foto: None
ORAL. QazAqparat – Batys Qazaqstan oblysynda 269 793 adam koronavırýsqa qarsy vaktsınanyń birinshi komponentin saldyrdy, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, bul – oblys boıynsha egilýge jatatyn turǵyndardyń 65,1 paıyzy.

Sondaı-aq 254 888 adam (61,5 paıyzy) ekinshi komponentimen egildi. 54 669 adam revaktsınatsııadan ótti.

Óńirde 9 650 adam Pfizer vaktsınasyn qabyldasa, sonyń 347-si – júkti, 4 276-sy – bala emizetin áıelder, 5 027-si –jasóspirimder.

Basqarmadan túsken málimetke qaraǵanda, osy kezge deıin 49 367, sonyń ishinde bıyl 9 297 adam koronavırýs juqtyrdy.

Sońǵy táýlikte 71 adamnan indet tabylsa, 30 naýqas jazylyp shyqty.

Qazirgi tańda 751 tósektik 14 ınfektsııalyq statsıonarda 209 naýqas emdelip jatyr. Sonyń 193-i qaladaǵy 8 aýrýhanada.

Jansaqtaý bólimshesindegi 16 naýqastyń 12-si aýyr, tórteýi asa aýyr halde.

Jyl basynan beri 29 adam koronavırýstan qaıtys boldy.

Eske sala keteıik, budan buryn Batys Qazaqstanda 54 myńǵa jýyq adamnyń revaktsınatsııadan ótkenin jazǵan bolatynbyz.



Seıchas chıtaıýt