BQO-da egilýge jatatyn turǵyndardyń 60 paıyzǵa jýyǵy vaktsına saldyrdy

ORAL. QazAqparat – Batys Qazaqstan oblysynda 213 718 adam koronavırýsqa qarsy vaktsınanyń birinshi komponentin saldyrdy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkenindeı, óńirde barlyǵy 360 myń turǵyn egilýi kerek bolsa, sonyń 59,4 paıyzy vaktsına qabyldady.

Sonyń ishinde 183 079-y (50,9 paıyz) ekinshi komponentti de alyp úlgerdi.

Aýmaqtyq ózgerister boıynsha Jánibek aýdany alda keledi.

Munda 8285 turǵynnyń 6093-i (73,5 paıyzy) birinshi, 5428-i (65,5 paıyzy) ekinshi komponentti qabyldady. Sondaı-aq egilý deńgeıi Tasqala aýdanynda da joǵary (sáıkesinshe 68,9 jáne 60,6 paıyz).

Oblys ortalyǵynda 112 629 adam (52,3 paıyz) birinshi, 96 657-si (44,9 paıyz) ekinshi komponentpen egildi.

Departament málimetine qaraǵanda, keshe oblys boıynsha 770 adam egildi.

Óńirde 3020 stýdent egilýi tıis bolsa, ol artyǵymen oryndalyp otyr. ıAǵnı kúni búgin 5635 stýdent (186,59 paıyz) birinshi, 4583-i (151,75 paıyz) ekinshi komponentti qabyldady.

Sondaı-aq 16371 pedagog (104,28 paıyz) birinshi, 14490-y (92,30 paıyz) ekinshi komponentpen egildi.

Vaktsınatsııa bastalǵannan beri oblysqa barlyǵy 510 720 doza (275 080-i – І, 235 640-y – ІІ komponent) vaktsına jetkizildi.

Eske sala keteıik, budan buryn BQO-da sońǵy tórt kúnde 310 adamnan koronavırýs anyqtalǵanyn jazǵan bolatynbyz.