BQO-da egilýge tıisti turǵyndardyń 60 paıyzǵa jýyǵy ekpe saldyrdy

ORAL. QazAqparat - Batys Qazaqstan oblysynda 247 091 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, bul - oblys boıynsha egilýge tıisti turǵyndardyń 59,7 paıyzy

Sonyń ishinde 227 811-i (55 paıyzy) ekinshi komponentti de aldy.

Qazirgi kezde óńirde vaktsına qory jetkilikti.

Basqarma málimetine qaraǵanda, sońǵy aptada aldyńǵymen salystyrǵanda, koronavırýs juqtyrý kórsetkishi 16,9 paıyzǵa (33 naýqasqa) tómendedi.

Pandemııa bastalǵannan beri tirkelgen 39 580 naýqastyń 37 148-i jazylyp shyqsa, 833-i kóz jumdy.

Kúni búgin oblys boıynsha 380 adam ambýlatorııalyq em alýda.

Oǵan qosa 821 tósektik 16 ınfektsııalyq statsıonarda 136 naýqas jatyr. Sonyń 9-y jansaqtaý bóliminde. Olardyń bireýi asa aýyr halde. Invazıvti jasandy tynys alý apparatyna 1, ınvazıvti emes sondaı qurylǵyǵa 4, ottegi kontsentratoryna 4 naýqvs qosylǵan.

Eske sala keteıik, budan buryn ultymyzdyń deni saý bolýy úshin jastarymyzdyń da ýaqtyly ekpe alýy mańyzdy ekenin jazǵan bolatynbyz.