BQO-da din máselelerin zertteý ortalyǵynyń basshysyna qatysty qyzmettik tekserý júrgizilýde

ORAL. QazAqparat - BQO din isteri basqarmasy «Din máselelerin zertteý ortalyǵy» KMM basshysy Jaras Ahanovqa qatysty qyzmettik tekserý júrgizilýde, dep habarlaıdy «QazAqparat» HAA tilshisi.

Atalmysh basqarma zańgeri Ádil Nurmuqanovtyń aıtýynsha, sybaılas jemqorlyqqa qarsy is-qımyl Ulttyq bıýrosy BQO boıynsha departamentinen zańbuzýshylyqtardy joıý jóninde usynys túsken bolatyn. Soǵan baılanysty júrgizilip jatqan qyzmettik tekserý qorytyndysy 8 naýryzdan keıin belgili bolady. Ótken jyly «Jaıyq» destrýktıvtik dinı aǵymdardan zardap shekkenderge kómek kórsetý ortalyǵynyń burynǵy dırektory Qaıyrjan Arystanǵalıevke qatysty bıýdjettik qarjyny jymqyrý deregi boıynsha qylmystyq is qozǵalǵan bolatyn. Áıtse de bul qylmystyq is bıylǵy qańtarda qysqartyldy. Jaras Ahanov osy iske kýá retinde tartylǵan edi.