BQO-da bıyl 13 eldi mekenge gaz jetkizilmek

ORAL. QazAqparat - Batys Qazaqstan oblysynda bıyl 3,5 myń turǵyny bar 13 eldi mekenge gaz jetkizilmek. Óńirdiń gazben qamtylý kórsetkishi 94 paıyzǵa jetip, 597,2 myń turǵyn «kógildir otyndy» paıdalanbaq, dep habarlaıdy «QazAqparat» tilshisi.

BQO energetıka jáne turǵyn úı-kommýnaldyq sharýashylyǵy basqarmasynan túsken málimetke qaraǵanda, 2018 jyly 9,3 myń turǵyny bar taǵy 22 eldi meken tabıǵı gazben qamtamasyz etiletin bolady.

Bıyl Syrym aýdanynda 6 eldi mekenge (1,5 myń turǵyn) gaz tartý jumysy márege jetedi. Bul maqsatqa oblystyq bıýdjetten 109,0 mln. teńge qaralǵan. Sol sııaqty shalǵaıdaǵy Bókeı ordasy aýdanynyń 11 aýylyna gaz tartý jumystary bastalady. Buǵan respýblıkalyq bıýdjetten 500 mln. teńge berildi. Oǵan qosa Aqjaıyq aýdanynyń 11, Jánibektiń 2, Jańaqalanyń 4 eldi mekenin gazdandyrýdy bastaý úshin oblystyq bıýdjetten qarajat bólindi.

Respýblıkalyq bıýdjet esebinen 2015 jyldan beri Oral qalasyndaǵy jylý-qýat ortalyǵyna gaz jetkizetin qubyrǵa qosymsha rezervtik qubyr tartylyp jatqany belgili. Bul joba bıyl iske qosylady.

Aıta keteıik, 2008-2016 jyldary oblystaǵy 138 eldi mekenge gaz qubyry tartyldy. Buǵan 22 mlrd. astam teńge jumsaldy. Kúni búgin óńirdiń gazben qamtylýy 93,4 paıyzdy (593 myń adam) qurap otyr.