BQO-da birneshe departamenttiń basshysy aýysty
Maqsat Amanqululy 1974 jyly dúnıege kelgen, bilimi joǵary, E.A.Bóketov atyndaǵy Qaraǵandy memlekettik ýnıversıtetin zańger mamandyǵy boıynsha bitirgen.
1997-2008 jyldarda ol prokýratýra organdarynda basshylyq qyzmet atqardy. Sondaı-aq 2008-2009 jyldarda Ońtústik Qazaqstan oblysy prokýrorynyń orynbasary, 2009-2011 jyldary Almaty qalasy prokýrorynyń orynbasary, 2011-2012 jyldary Shyǵys Qazaqstan oblysy prokýrorynyń orynbasary boldy.
2012-2014 jyldar aralyǵynda Qyzylorda oblysy boıynsha ekonomıkalyq qylmysqa jáne sybaılas jemqorlyqqa qarsy kúres departamentin (qarjy polıtsııasy) basqardy.
2014-2016 jyldary Sybaılas jemqorlyqqa qarsy is-qımyl ulttyq bıýrosynyń (Sybaılas jemqorlyqqa qarsy qyzmet) Jambyl oblysy boıynsha departamentiniń basshysy bolyp qyzmet atqardy.
Aıta keteıik, jýyrda sonymen qatar taǵy eki departamenttiń basshysy ózgergen bolatyn. Atap aıtqanda, Erbol Bısenuly Qýanov QR Energetıka mınıstrligi Ekologııalyq retteý jáne baqylaý komıteti Batys Qazaqstan oblysy boıynsha ekologııa departamentiniń basshysy bolyp taǵaıyndaldy. Ol 1981 jyly dúnıege kelgen. H.Dosmuhamedov atyndaǵy Atyraý memlekettik ýnıversıtetin jáne Atyraý munaı jáne gaz ınstıtýtyn zańger, munaı-gaz isi mamandyqtary boıynsha bitirgen. Erbol Qýanov 2002-2003 jyldary aralyǵynda Atyraý qalasy ákimi apparatynda bas maman-zańger laýazymynda istedi. 2003-2009 jyldary Atyraý oblystyq aýmaqtyq qorshaǵan ortany qorǵaý basqarmasynda bas maman, bólim basshysy, 2009-2012 jyldary Atyraý oblysy tabıǵı resýrstar jáne tabıǵat paıdalanýdy retteý basqarmasynyń bastyǵy boldy. 2012-2016 jyldary Atyraý oblysy boıynsha ekologııa departamentiniń basshysy qyzmetin atqardy.
Sonymen qatar 2012-2016 jyldary Pavlodar oblysy qorǵanys isteri jónindegi departamentin basqarǵan Amangeldi Kıneshpaıuly Qalenov BQO-ǵa dál osyndaı qyzmetke keldi. Bul týraly osyǵan deıin QazAqparat habarlaǵan bolatyn.