BQO-da birinshi toqsanda 780 oqýshydan koronavırýs anyqtaldy

ORAL. QazAqparat – Batys Qazaqstan oblysynda birinshi toqsanda 1 qyrkúıekten beri 780 oqýshydan koronavırýs anyqtaldy, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, qazirgi kezde qala men aýdandardyń bas memlekettik sanıtar dárigerleriniń qaýlysyna sáıkes 6 mektepte 7 synyp karantınge jabylǵan.

Jyl basynan beri indet tabylǵan 2899 balanyń 2830-y jazylyp shyqty. 69-y emdelý ústinde.

Kúni búgin oblys boıynsha 581 naýqas ambýlatorlyq em alýda. Olardyń 70,5 paıyzynyń aýrýy jeńil ótýde. 6,7 paıyzy ortasha, 22,8 paıyzy – sımptomy joqtar.

Sondaı-aq 871 tósektik 16 ınfektsııalyq statsıonarda jatqan 179 naýqastyń 17-si jansaqtaý bólimshesinde. Bulardyń bireýi asa aýyr halde. Invazıvti emes jasandy tynys alý apparatyna 8, ottegi kontsentratoryna 9 naýqas qosylǵan.

Pandemııa bastalǵannan beri 38 959, bıyl 29 738 adamnyń koronavırýs juqtyrǵany tirkeldi.

Sońǵy aptada aldyńǵymen salystyrǵanda, aýrý juqtyrý 6,9 paıyzǵa (21 naýqasqa) tómendedi.

Oblys boıynsha COVID-19 dıagnostıkasy boıynsha 13 zerthana jumys isteıdi. Sońǵy táýlikte 57 zertteý júrgizildi.

Basqarma málimetine qaraǵanda, bıyl 648 adam koronavırýstan kóz jumsa, sonyń ishinde 28-i – qańtar aıynda, 15-i – aqpanda, 30-y – naýryzda, 41-i – sáýirde, 57-si – mamyrda, 60-y – maýsymda, 144-i – shildede, 139-y – tamyzda, 90-y – qyrkúıekte, 44-i qazanda qaıtty.

Eske sala keteıik, budan buryn Batys Qazaqstanda 640-tan astam naýqastyń ambýlatorııalyq em alyp jatqanyn jazǵan bolatynbyz.