BQO-da bir jylda 23 myńnan astam sheteldik azamat ýaqytsha tirkelgen

ORAL. QazAqparat - Elimizdiń turaqty damýy, vızalyq tártiptiń jeńildetilýi óńirge kelýshi sheteldik azamattardyń kóbeıýine áser etýde. Bul týraly BQO ishki ister departamenti janyndaǵy konsýltatıvtik-keńesshi organnyń otyrysynda aıtyldy, dep habarlaıdy «QazAqparat» tilshisi.

Departamenttiń kóshi-qon qyzmeti bóliminiń bastyǵy, polıtsııa maıory Álııa Shyńǵalıevanyń aıtýynsha, ótken jyly oblysta 23 myńnan astam sheteldik azamat ýaqytsha tirkelgen. Sonymen qatar óńirde turaqty turyp jatqan jáne turýǵa ruqsat alǵan 205 sheteldik azamat memlekettik kirister organdarynda shaǵyn jáne orta bıznes nysandary retinde esepke turǵan. Al 6 myńnan astam eńbek ımmıgranttary jeke tulǵalarda eńbek etýge ruqsat aldy.

Jıynda kásipkerler quqyǵyn qorǵaý, ákimshilik kedergilerdi azaıtý, azamattarǵa kórsetiletin memlekettik qyzmet sapasyn arttyrý máseleleri sóz boldy.

BQO ІІD uıymdasqan qylmyspen kúres basqarmasy bastyǵynyń mindetin atqarýshy, polıtsııa podpolkovnıgi Erbol Berdeshev ótken jyly kásipkerlerge qatysty 36 aýyr qylmystyń tirkelgenin jetkizdi. Bul - negizinen urlyq, kisi tonaý, qaraqshylyq jáne basqalar.