BQO-da bir kúnde myńǵa jýyq adam koronavırýsqa qarsy ekpe saldyrdy
BQO densaýlyq saqtaý basqarmasy málim etkenindeı, sonyń ishinde 73-i – sozylmaly derti bar adamdar. Sondaı-aq 23 stýdent, 10 medıtsına qyzmetkeri, 8 pedagog, quqyq qorǵaý organdarynyń 4 qyzmetkeri, 5 memlekettik qyzmetshi ekpe aldy.
Basqarma málimetine qaraǵanda, naýqan bastalǵannan beri oblysta barlyǵy 209 523 adam birinshi komponentpen egildi. Bul – vaktsınatsııalaýǵa jatatyn turǵyndardyń 58,2 paıyzy. Oǵan qosa 176 686-sy (49 paıyz) ekinshi komponentti qabyldady.
Óńirde vaktsınatsııa máselesi boıynsha 24-00-06 nómirli call ortalyq jumys isteıdi. Sonymen qatar egý pýnktteriniń, PTR zerthanalardyń mekenjaıy, rentgen kabınetteriniń jumys kestesi, KVI dıagnozy rastalǵan ambýlatorııadaǵy patsıentterge beriletin tegin dári tizbesi jáne basqa kerek aqparatty stopcovid.kz saıtynan tabýǵa bolady.
Basqarma basshysynyń orynbasary Gúlnár Ábdirahmanovanyń aıtýynsha, barlyq emhanada aptanyń barlyq kúnderi tańǵy 8 ben keshki 20.00-ge deıin egý pýnktteri jumys jasaıdy. Oraldaǵy «City center» saýda-oıyn-saýyq ortalyǵy janynda vaktsınatsııaǵa arnalǵan jyljymaly medıtsınalyq keshen qyzmet kórsetedi.
«1-5 qyrkúıek aralyǵynda oblys boıynsha 3 270 adam ekpe aldy. 6 qyrkúıekte vaktsına qabyldaýshylar sany 1539-ǵa jetse, odan keıingi kúnderi sáıkesinshe 1 200 jáne 1 151 adam ekpe aldy», - dedi G.Ábdirahmanova.
Eske sala keteıik, budan buryn BQO mektepterinde 130 oqýshydan koronavırýs anyqtalǵanyn, indet juqtyrǵan 40 naýqastyń aýyr halde jatqanyn jazǵan bolatynbyz.