BQO-da bilim bóliminiń býhgalteri 31 mln teńge bıýdjet qarjysyn jymqyrǵan

ORAL. QazAqparat – Batys Qazaqstan oblysynda 31 mln teńge bıýdjet qarjysyn jymqyrǵan býhgalter sottaldy, dep habarlaıdy QazAqparat tilshisi.

BQO sotynyń baspasóz qyzmeti málim etkendeı, Syrym aýdandyq sotynyń úkimimen aýdandyq bilim bóliminiń býhgalteri Aqkenje Kýshaeva QR QK 189-baby 4-bóligi 2-tarmaǵyna sáıkes aıypty dep tanyldy.

A.Kýshaeva múlkin tárkileýsiz 7 jyl 6 aı merzimge bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteýge úkim kesildi.

Kishkentaı balalary bolǵandyqtan, QR QK 74-baby 1-bólimi negizinde taǵaıyndalǵan jazany óteý merzimi bes jylǵa keıinge qaldy.

Ol sondaı-aq memlekettik mekemelerde, kvazımemlekettik sektor sýbektilerinde, kommertsııalyq jáne kommertsııalyq emes uıymdarda qarjylyq qyzmetpen jáne materıaldyq jaýapkershilikpen baılanysty laýazymdardy atqarý quqyǵynan 10 jylǵa aıyryldy.

Sotta anyqtalǵanyndaı, A.Kýshaeva bólim basshysy men bas esepshiniń elektrondy sandy qolyn paıdalana otyryp, qarjyny týystary men áriptesteriniń esepshotyna aýdarǵan.

Olar aqshany Kýshaevaǵa qaıta aýdarǵan nemese qolma-qol bergen. Osyndaı jolmen barlyǵy 31 mln teńge jymqyrylǵan.

Sot úkimi kúshine engen joq.

Eske sala keteıik, budan buryn áleýmettik jelide arandatýshylyq pikir jazǵan Oral turǵynyna qatysty qylmystyq is qozǵalǵanyn jazǵan bolatynbyz.