QR Básekelestikti qorǵaý jáne damytý agenttiginiń BQO boıynsha departamentiniń basshysy Salaýat Ýahıtovtyń óńirlik kommýnıkatsııalar qyzmeti alańynda ótken brıfıngte zańnamany buzǵandar qatarynda «Aqjaiyq» ÁKK» AQ, Oral qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi mekemesin atady.
Onyń sózine qaraǵanda, básekelestikti qorǵaý salasyndaǵy zańnamany buzǵany úshin 2 ákimshilik is qozǵalyp, monopolııalyq kirisin tárkileý arqyly 16 mln 176,726 myń teńge kóleminde aıyppul salyndy.
- Sonymen qatar QR QK 177-babynyń 1-tarmaǵynda kózdelgen josyqsyz básekelestik belgileri boıynsha zańbuzýshylyqtarǵa jol bergen «Batys Qazaqstan radıologııalyq synaq zerthanasy» JShS-ǵa qatysty QR Ákimshilik quqyq buzýshylyq týraly kodeksiniń 163-babynyń 2-bóligine sáıkes hattama toltyryldy, - dedi S.Ýahıtov.
Onyń málimdeýinshe, naryq sýbektileri júzege asyratyn qyzmet túrlerin qurý, keńeıtý jáne ózgertý, sondaı-aq monopolııaǵa qarsy organnyń kelisimi alynbaǵan qyzmet túrlerin júzege asyrý faktilerin anyqtaý turǵysynan memlekettik kásiporyndar qyzmetine qatysty 12 monıtorıng júrgizildi.
- QR básekelestikti qorǵaý salasyndaǵy zańnamasyna sáıkes kelmeıtin nemese monopolııaǵa qarsy organmen kelispegen qyzmet túrlerin júzege asyratyn kvazımemlekettik sektor naryǵynyń 6 sýbektisi anyqtaldy. Olar boıynsha 6 memlekettik kásiporynnyń atyna básekelestikti qorǵaý salasyndaǵy QR zańnamasyn buzýshylyqty joıý týraly nusqamalar engizildi. Bulardyń beseýi oryndaldy, bireýi oryndalý ústinde. Sondaı-aq bıylǵy alty aıda 2024 jyldyń sońynda júrgizilgen monıtorıng nátıjesi boıynsha 11 nusqama shyǵaryldy, - dedi departament basshysy.
Eske sala keteıik, budan buryn Oralda tender ótkizý kezinde básekelestikke qarsy áreketke jol berilgenin jazǵan edik.