ORAL. KAZINFORM — Batys Qazaqstan oblysy Jańaqala aýdany Jańaqazan aýyldyq okrýgindegi Saryaıdyn kólinde qyrylǵan balyqtyń shuńqyrǵa tastalyp jatqany jóninde beınejazba tarady.
BQO tabıǵı resýrstar jáne tabıǵat paıdalanýdy retteý basqarmasy basshysynyń orynbasary Darhan Zakarınniń túsindirgenindeı, oqıǵa bolǵannan keıin sanıtarııalyq-epıdemıologııalyq stansa mamandary men veterınarlar sý men balyqtan synama alǵan. Onyń nátıjesi ázirge shyqqan joq.
— Qazirgi tańda Saryaıdyn kólinde tazalaý jumystary júrgizilip jatyr. Oqıǵa ornynda onshaqty adam 3 tehnıkamen jumys istep jatyr. Qyrylǵan balyq shuńqyrǵa kómilip, joıylyp jatyr, — dedi Darhan Zakarın.
Jańaqala aýdany Jańaqazan aýyldyq okrýginiń ákimi Sáken Ǵubashev tórt kúnnen beri balyqtyń jınalyp, kóldiń tazalanyp jatqanyn jetkizdi.
Eske sala keteıik, budan buryn Batys Qazaqstanda Saryaıdyn kólinde balyq qyrylyp qalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).