BQO-da ajıotaj: jumyrtqa bir adamǵa 10 danadan satylyp jatyr

<p>ORAL. KAZINFORM &ndash; Oral qalasynda jumyrtqa defıtsıti týyndady. Saýda oryndarynda ónimdi bir qolǵa 10 danadan ǵana satyp jatyr. Bul týraly jergilikti &laquo;<a href="https://mgorod.kz/news/desyatok-yaicz-v-odni-ruki-uralczy-vozmushheny-ogranicheniem-produkta-iz-stabfonda/" target="_blank" rel="noopener">Moı gorod</a>&raquo; basylymy habarlady.&nbsp;</p>

Oral qalasy turǵyndarynyń aıtýynsha, turaqtandyrý qoryndaǵy jumyrtqa shekteýli túrde satylyp jatyr.

«Meniń otbasym úlken, tórt balamnyń úsheýi – jasóspirim. ıAǵnı, azyq-túlikti jıi alamyn. Birneshe aptadan beri saýda ornynda bir qolǵa 10 dana jumyrtqadan ǵana satyp jatyr. Mine, men on shaqty satyp aldym, ol bizge bir tańǵy asqa ǵana jetedi. Sodan keıin qaıtadan barýym kerek. Mundaı shekteý qaıdan keldi? Tapshylyqtyń týyndaýyna ne sebep? Meniń bilýimshe, bizdiń oblysta eki iri qus fabrıkasy jumys isteıdi. Olar ishki naryqty jumyrtqanyń qajetti mólsherimen qamtamasyz ete almaı ma?» - dep Oral turǵyny narazylyǵyn bildirdi.

Aýyl sharýashylyǵy basqarmasy jaǵdaıǵa qanyq. Vedomstvo bul alypsatarlyq jaǵdaılaryn boldyrmaý úshin jasalǵanyn aıtyp otyr.

«Reseıge jumyrtqanyń kóptep eksporttalyp jatqandyǵy týraly bizge eshqandaı aqparat túsken joq. Bizdiń kásipkerler jumyrtqany tek ishki naryqta satady. Biz olardy májbúrleı almaımyz, olarǵa ákimshilik ádistermen tyıym salýǵa da quqyǵymyz joq. Biz, árıne, kásipkerlermen sóılesetin bolamyz», - dedi BQO aýyl sharýashylyǵy basqarmasy ókilderi.

Qazaqstan Úkimetiniń málimetinshe, elimizde otandyq qus fabrıkalary halyqty  jumyrtqamen tolyq qamtamasyz ete alady. 2023 jyldyń 11 aıynda Qazaqstan Reseıge, Aýǵanstanǵa jáne Qyrǵyzstanǵa shamamen 186,6 mln dana taýyq jumyrtqasyn eksporttaǵan.

Buǵan deıin Qazaqstan men Reseı Premer-Mınıstrleriniń orynbasarlary Serik Jumanǵarın men Alekseı Overchýk ekijaqty saýdanyń ózekti máselelerin talqylaǵanyn aıtqan edik. Kezdesýde Reseı jaǵy elimizden saýda jelilerine taýyq jumyrtqasyn jetkizýdi arttyrý jóninde ótinish jasady.