BQO-da aıazdyń kúsheıýine baılanysty kólik qozǵalysy shekteldi

ORAL. QazAqparat – Batys Qazaqstan oblysynda aıazdyń kúsheıýine baılanysty kólik qozǵalysy shekteldi, dep habarlaıdy QazAqparat tilshisi.

«QazAvtoJol» AQ BQO fılıalynyń málimeti boıynsha 9 qańtar kúni jergilikti saǵat 23.30-dan bastap aýa raıynyń nasharlaýyna baılanysty Samara-Shymkent avtojolynda (394-526 km, Jympıty aýylynan Aqtóbe oblysynyń shekarasyna deıin) jolaýshylar avtobýsy men dızel otynymen júretin avtokólikter úshin qozǵalys shekteldi.

Shektelý sebebi – aýa temperatýrasy -30°S-qa deıin tómendegen. Osyǵan baılanysty BQO TJ departamenti eskertý jarııalanǵanyn jetkizdi.

Eske sala keteıik, budan buryn Batys Qazaqstanda mal baǵyp júrip joǵalyp ketken jasóspirimniń tabylǵanyn jazǵan edik.

Sondaı-aq Astana men birneshe óńirde sabaq onlaın ótedi.