BQO-da Armenııadan ákelingen 300-den astam kóliktiń ıeleri sary nómir aldy

ORAL. QazAqparat – Batys Qazaqstan oblysynda 300-den astam Armenııadan ákelingen avtokólik ıeleri sary nómir aldy, dep habarlaıdy QazAqparat tilshisi.

BQO polıtsııa departamenti ákimshilik polıtsııa basqarmasy bastyǵynyń mindetin atqarýshy, polıtsııa maıory Aleksandr Pleshakovtyń aıtýynsha, Armenııadan bıylǵy 1 aqpanǵa deıin ákelingen sol jaq rýldi avtokólikterdi tirkeý 1 maýsymda bastalǵan bolatyn.

Kúni búginge deıin 312 avtokólik ıesi sary nómirdi taǵyp úlgerdi.

Avtokólikti tirkeý úshin 11 946 teńgege úsh tólem (tirkeý úshin – 695 teńge, tehnıkalyq qujat úshin – 3 473 teńge, memlekettik nómir úshin 7 778 teńge) jasaý qajet. Sondaı-aq tıisti qujattar kerek bolady.

«Shara bıylǵy 1 qyrkúıekke deıin sozylady. Sondyqtan armıan nómirimen júrgen kólik ıeleri osy múmkindikti paıdalanyp qalǵany jón. Ol úshin Oral qalasy Jáńgir han kóshesi 160-mekenjaıynda ornalasqan mamandandyrylǵan arnaıy halyqqa qyzmet kórsetý ortalyǵyna habarlasyp, ákimshilik polıtsııa basqarmasy qyzmetkerlerinen keńes ala alady. Sonymen qatar polıtsııa departamenti koll-ortalyǵynyń 8(7112) 35-04-84, 8-708-435-04-84 telefondaryna qońyraý shalýǵa bolady», dedi A.Pleshakov.

Eske sala keteıik, budan buryn Oralda Armenııadan ákelingen eki avtokóliktiń tirkelgenin , poıyz kele jatqanyna qaramastan, temirjol ótkelinen ótpek bolǵan júrgizýshiniń jaýapqa tartylǵanyn jazǵan edik.