ORAL. KAZINFORM – BQO qylmystyq ister jónindegi mamandandyrylǵan aýdanaralyq sotynda turǵynǵa qatysty qylmystyq iske núkte qoıyldy.
BQO sotynan málim etkenindeı, turǵyn QR QK 99-baby 1-bóligine (adam óltirý) sáıkes aıypty dep tanyldy. Sot talqysynda anyqtalǵanyndaı, 2023 jyly 1 qarasha kúni saǵat shamamen 00.30-da Oral qalasynyń turǵyny mas kúıinde óziniń anasymen sózge kelip, ańshylyq pyshaǵymen oń jaq keýde tusyna soqqy jasaǵan. Saldarynan marqum sol jerde jan tapsyrǵan.
«Sottalýshy óz kinásin tolyq moıyndap, shyn nıetpen ókinetinin aıtty. Sot úkim shyǵarǵan kezde qylmystyń sıpaty men qoǵam úshin qaýiptiligin, jazany aýyrlatatyn jáne jeńildetetin mán-jaılardy eskerdi. QR QK 99-baby 1-bóligine sáıkes 10 jylǵa bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteý belgilendi. Jábirlenýshiden talap aryz túsken joq. Sot úkimi zańdy kúshine endi», - dep habarlady vedomstvodan.
Eske sala keteıik, budan buryn BQO-da óz áıelin óltirgen 73 jastaǵy zeınetkerdiń 10 jylǵa sottalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).