15:05, 27 Qańtar 2025

BQO-da alımentten jaltarǵan qos azamattyǵy bar er adamǵa jarty mln teńge aıyppul salyndy

ASTANA. KAZINFORM – Batys Qazaqstan oblysy polıtsııa departamentiniń kóshi-qon qyzmeti alıment tóleýden jaltarǵan, izdeýde júrgen 48 jastaǵy er adamdy anyqtady.

Foto: Muhtar Holdorbekov/Kazinform

BQO polıtsııa departamentiniń baspasóz qyzmetinen málim etkenindeı, izdestirý is-sharalary barysynda er adamnyń Reseı Federatsııasy aýmaǵynda júrgende, tegi men ákesiniń atyn ózgertip, sol eldiń azamattyǵy men tólqujatyn alǵany belgili boldy.

Osylaısha, ol quqyq qorǵaý jáne shekara qyzmetterin aldap, Qazaqstan Respýblıkasynyń shekarasyn kedergisiz kesip ótken.

- Júrgizilgen jumystar nátıjesinde onyń qos azamattyǵy bar ekeni dáleldendi. Sot sheshimi boıynsha quqyq buzýshy ákimshilik jaýapkershilikke tartylyp, 540 myń teńge kóleminde aıyppul salyndy. 2024 jyldyń 12 aıynda oblys polıtsııasy qos azamattyq alýdyń 57 deregin anyqtady. Batys Qazaqstan oblysy polıtsııa departamenti osyndaı quqyq buzýshylyqtardy anyqtaý jáne «Zań men tártip» qaǵıdatyn qamtamasyz etý boıynsha jumystaryn jalǵastyryp jatyr, - dep habarlady vedomstvodan.

Eske sala keteıik, budan buryn Batys Qazaqstan oblysynda 44 jylqyny urlaǵan barymtashylar tobynyń ustalǵanyn jazǵan bolatynbyz.

Aıyppul Alıment Batys Qazaqstan oblysy

Ǵaısaǵalı Seıtaq

1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).