BQO-da aldaǵy kúnderi jańbyr jaýady

<p>ASTANA. KAZINFORM &ndash; &laquo;Qazgıdromet&raquo; RMK baspasóz hatshysy Alına Ismagýlova Batys Qazaqstan oblysyndaǵy qazirgi sý tasqyny jaǵdaıyna qatysty málimetti jarııalady.</p>

«Oblys aýmaǵyndaǵy ózenderiniń basym bóliginde sý tasqynynyń negizgi kezeńi ótti. Búgingi saǵat 12:00-degi jaǵdaı boıynsha Jaıyq ózeninde, ıaǵnı Oral qalasy gıdrologııalyq beketinde sý deńgeıi 854 santımetrge jetti, qaýipti deńgeı - 850 santımetr», - A. Ismagýlova Ortalyq kommýnıkatsııalar qyzmetindegi brıfıngide.

Onyń aıtýynsha, Jaıyq ózeniniń boıynda ornalasqan Bórli, Báıterek, Terekti, Aqjaıyq aýdandaryndaǵy eldi mekenderdi de sý basý qaýip tónip tur.

«Batys Qazaqstan oblysyndaǵy bir aptadaǵy kún raıyna toqtalsaq, 23, 25 sáýirde kúndiz, 26 sáýir táýlik boıy jańbyrly. Temperatýranyń túnde 12-17 gradýstan 4-9 gradýsqa deıin tómendeýi, aldaǵy apta sońynda azdap 7-12 gradýsqa deıin kóterilýi yqtımal. Al kúndiz 27-32 gradýstan 15-20 gradýsqa deıin birte-birte tómendeýi, apta aıaǵynda 20-25 gradýsqa deıin joǵarylaýy múmkin», - dedi baspasóz hatshysy.

Budan buryn habarlanǵandaı, Oral qalasy tóńiregindegi saıajaılar sýǵa ketip jatyr. https://kaz.inform.kz/news/oral-kalasi-tonregndeg-sayazhaylar-suga-ketp-zhatir-d1a88f/

Jalpy, óńirdegi tıisti qurylymdar kúsheıtilgen rejımde jumys istep jatyr. Oblysqa 2 myńnan astam tehnıka, sonyń ishinde 1 myńnan astam arnaıy tehnıka jumyldyryldy. Atap aıtqanda, 10 myńnan astam adam sý tasqynyna qarsy jumystardy atqaryp jatyr.