BQO-da ákimdik qyzmetkeri jappaı jol apatyn jasady

<p>ASTANA. KAZINFORM &ndash; Batys Qazaqstan oblysynda birneshe avtokólik soqtyǵysyp, saldarynan kólik ıelerine materıaldyq zalal keldi. Bul týraly BQO Polıtsııa departamentiniń baspasóz qyzmeti habarlaıdy.</p>

«1 qazan túngi saǵat 00:10 shamasynda Táýelsizdik kóshesi men Pravdýhın kóshesiniń qıylysynda «Volkswagen Tiguan» avtokóliginiń júrgizýshisi (1980 jyly týǵan) baǵdarshamda turǵan «Mercedes» avtokóligine soqqan. Saldarynan «Mercedes» taǵy birneshe avtomobılmen soqtyǵysty (VAZ jáne Skoda Rapid). Avtokólik ıelerine materıaldyq zalal keltirildi, jol apatynyń mán-jaıy anyqtalyp jatyr», - delingen habarlamada.

Jergilikti BAQ-tyń habarlaýynsha, jol apatyna BQO ákimdiginiń qyzmetkeri kináli.  Atalǵan faktini anyqtaý maqsatynda oblystyq ákimdiktiń baspasóz qyzmetine júgingen edik.

«Iá, ákimdik qyzmetkeri. Qazir mán-jaıdy anyqtap jatyrmyz, qosymsha habarlaımyz», - dep qysqa qaıyrdy óńir ákimdiginiń baspasóz hatshysy Erhan Tatken.