BQO-da ákimdik 107 mln teńgeniń jer telimin 1,1 mln teńgege satqan

<p>ASTANA. KAZINFORM - Batys Qazaqstan oblysynyń arnaıy prokýrorlary zańsyz jer berý máselesine baılanysty sotqa deıingi tergeýdi aıaqtady, dep habarlaıdy vedomstvonyń baspasóz qyzmeti.</p>

Baspasóz qyzmetiniń málimetterine qaraǵanda, Báıterek aýdanynda jalpy aýdany 45,9 gektar jer telimderi baý-baqsha jáne saıajaı qurylysyna satyp alý quqyǵymen azamattardyń jeke menshigine zańsyz berilgen.

Ýchaskeni jeke menshikke berý kezinde belgilengen tólemniń bazalyq mólsherlemesi negizsiz tómendetilgeni, osylaısha ýchaskeler 1,1 mln teńge kóleminde tómen baǵamen satylǵany anyqtaldy, al naqty baǵasy 107,3 mln teńgeni qurady.

Aýdandyq jer qatynastary bóliminiń bastyǵyna qatysty qyzmettik ókilettikterdi asyra paıdalanǵany úshin arnaıy prokýrorlar sotqa deıingi tergep-tekserýdi (QR Qylmystyq kodeksiniń 361-babynyń 4-bóligi 3-tarmaq) júrgizdi.

Qylmystyq is aýdandyq sotqa jiberildi.

2024 jyldyń 16 qyrkúıeginde sot sottalýshyny kináli dep taýyp, 3 jyl 6 aıǵa bas bostandyǵynan aıyrdy.

Memleketke keltirilgen shyǵyndy óteý týraly talap tolyǵymen qanaǵattandyryldy.