BQO-da adam ólimine sebepker bolǵan júrgizýshi eki jylǵa sottaldy

<p>ORAL. KAZINFORM — Batys Qazaqstan oblysy Tasqala aýdandyq sotynda júrgizýshi A-ǵa qatysty qylmystyq is qaraldy.</p>

BQO sotynyń baspasóz qyzmetinen málim etkenindeı, atalmysh júrgizýshi negizgi jolmen kele jatqan avtobýsqa jol bermegen. Saldarynan jeńil kólik pen avtobýs soqtyǵysyp, júrgizýshiler men jolaýshylar túrli dene jaraqattarymen aýdandyq aýrýhanaǵa jetkizilgen. 

Avtobýs júrgizýshisi esin jımastan kóz jumdy.

«Sot úkimimen A. QR QK 345-baby 3-bóligine (abaısyzda adam ólimine ákep soqqan jol júrý erejesin buzý) sáıkes aıypty dep tanylyp, oǵan 2 jylǵa bas bostandyǵynan aıyrý jazasy taǵaıyndaldy. Oǵan qosa 5 jyl merzimge kólik quralyn basqarý quqyǵynan aıyryldy. Jol apatynan qaza tapqan júrgizýshiniń ulynyń talap aryzy ishinara qanaǵattandyrylyp, sottalýshydan 2 mln 379,599 myń teńge materıaldyq zalal jáne 5 mln teńge moraldyq shyǵyn óndirildi. Ekinshi jábirlenýshi — JShS-nyń talap aryzyn qanaǵattandyrý quqyǵyn taný týraly másele azamattyq is júrgizý tártibimen qaraý úshin sotqa jiberildi. Aıyptalýshy aýdandyq sottyń úkimine apellıatsııalyq shaǵym túsirdi. Batys Qazaqstan oblystyq sotynyń qylmystyq ister jónindegi apellıatsııalyq sot alqasy úkimdi ózgerissiz qaldyrdy. Úkim zańdy kúshine endi», — dep habarlady vedomstvodan.

Eske sala keteıik, budan buryn Batysta 34 adamnyń jalǵan qurylysshylardyń áreketinen zardap shekkenin jazǵan edik.