BQO-da adam ólimine qatysty kúdikpen burynǵy polıtsııa qyzmetkeri ustaldy

<p>ORAL. KAZINFORM &ndash; Tasqala aýdany Tasqala aýylynda er adamǵa aýyr dene jaraqatyn keltirgen kúdikti qolǵa tústi.</p>

BQO polıtsııa departamentiniń baspasóz qyzmetinen málim etkenindeı, er adam alǵan jaraqattary saldarynan aýrýhanada kóz jumdy. 

«Anyqtalǵandaı, eki er adam sózge kelip, sodan janjal týyndaǵan. Kúdikti ishki ister organdarynan jaǵymsyz sebepterge baılanysty qýylǵan burynǵy polıtsııa qyzmetkeri bolyp shyqty. Kúdikti ýaqytqa ustaý ızolıatoryna qamaldy. Qazirgi kezde atalǵan oqıǵa boıynsha sotqa deıingi tergeý amaldary júrgizilýde», - dep habarlady vedomstvodan.

Eske sala keteıik, budan buryn Oralda júk kóligi mektep qorshaýyn buzyp ótkenin jazǵan edik.