BQO-da 92 eldi mekenge talshyqty-optıkalyq baılanys jelisi jetkizildi
BQO aqparattandyrý, memlekettik kórsetiletin qyzmetter jáne arhıvter basqarmasynyń basshysy Sáken Nurtazaevtyń aıtýynsha, óńirde turǵyndardy sapaly ınternet jáne baılanyspen qamtamasyz etý maqsatynda júıeli jumys júrgizilýde.
Onyń sózine qaraǵanda, memlekettik-jekeshelik áriptestik negizinde aýyldyq eldi mekenderge talshyq-optıkalyq baılanys jelilerin ótkizý jobasy márege jetti.
Osy joba aıasynda 2018-2020 jyldary 127 669 turǵyny bar 92 eldi mekenge atalmysh baılanys jelisi qosyldy. Osy aýyldardaǵy 97 mektep, 81 densaýlyq saqtaý uıymy, 84 ákimdik baılanys jelisine qol jetkizdi.
Sonymen qatar QR Tsıfrlyq damý, ınnovatsııalar jáne aeroǵarysh ónerkásibi mınıstrligi bıyl baılanys operatorlarymen birge turǵyn sany 250 adamnan kóp bolatyn aýyldyq eldi mekenderge 3G/4G tehnologııasy boıynsha mobıldi ınternet ótkizý jobasyn iske asyrý
týraly bastama kóterdi.
Atalǵan jobaǵa sáıkes Batys Qazaqstan oblysynda 70 aýyldyq eldi mekendi qamtý josparlandy. Qazirgi tańda baılanys operatorlarymen joba boıynsha jumys bastaldy.
«Sondaı-aq baılanys operatorlarymen birlesip ınternet pen uıaly baılanystyń jyldamdyǵy men sapasyn jaqsartý boıynsha jumystar júrgizilýde. Qazirgi tańda «Ksell» AQ 7 aýylǵa 3G tehnologııasy boıynsha, «KarTel» JShS 30-dan astam eldi mekenge 4G Beeline jelisin iske qosty», dedi QazAqparat tilshisine S.Nurtazaev.