ORAL. QazAqparat – Batys Qazaqstan oblysynda 852 adam Pfizer kompanııasynyń Comirnaty vaktsınasyn saldyrdy, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, sonyń 467-si – jasóspirimder, 37-si – júkti, 348-i – bala emizetin áıelder.
Sondaı-aq 251 adam revaktsınatsııadan ótti.
Oblys boıynsha barlyǵy 247 525 adam (egilýge tıisti turǵyndardyń 59,7 paıyzy) birinshi komponentpen egildi. Sonyń 228 381-i (55,1 paıyzy) ekinshi komponentti de saldyrdy.
Qazirgi kezde 80 935 doza І, 100 199 doza ІІ komponent bar.
Basqarma málimetine qaraǵanda, pandemııa bastalǵannan beri koronavırýs juqtyrǵan 39 627 naýqastyń 37 286-sy jazylyp shyqsa, 834-i kóz jumdy.
Sońǵy aptada aldyńǵymen salystyrǵanda, koronavırýs juqtyrý 11 paıyzǵa (20 naýqasqa) tómendedi.
Kúni búgin 316 adam ambýlatorlyq em alýda. Oǵan qosa 118 naýqas ınfektsııalyq statsıonarlarda emdelýde. Sonyń ishinde 9-y aýyr, bireýi asa aýyr halde jansaqtaý bóliminde jatyr.
Eske sala keteıik, budan buryn BQO-da egilýge tıisti turǵyndardyń 60 paıyzǵa jýyǵy ekpe saldyrǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).