BQO-da 9 myńnan astam jańa jumys orny ashyldy
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Janat Asantaevtyń Ortalyq kommýnıkatsııalar qyzmetiniń óńirlik fılıalynda málim etkenindeı, sonyń ishinde 4 442-si nemese 49,1 paıyzy - turaqty jumys orny.
Onyń aıtýynsha, Elbasy tapsyrmalaryna sáıkes halyqty jumyspen qamtý, turǵyndardyń memlekettik jáne salalyq baǵdarlamalarǵa belsendi qatysýyn qamtamasyz etý baǵytynda óńirde josparly ister atqarylýda.
Jyl basynan beri jumyspen qamtý organdaryna 17 167 adam ótinish bildirse, 2 526 adam jumyssyz retinde resmı tirkelgen. Jumyssyzdyq deńgeıi - 0,8 paıyz. Jumyssyzdyqty azaıtý maqsatynda jasalǵan keshendi josparǵa sáıkes 2016 jyly 16 025 adamdy jumyspen qamtý sharalaryna kózdelgen edi. Toǵyz aıda 15 291 adam (95,4 paıyz) áleýmettik qoldaý sharalaryna qol jetkizse, sonyń 13 968-i (91,3 paıyz) - jumyssyzdar, 1 323-i (8,7 paıyz) - ózin-ózi qamtýshylar. 1 161 adam baǵdarlamalar aıasynda júzege asyrylyp jatqan jobalarǵa tartylsa, 801 adam biliktiligin kóterýge joldandy. 902 adam áleýmettik jumys oryndaryna jiberildi.
Jastar tájirıbesi oqý oryndary túlekteri arasynda keńinen qoldanylyp keledi. Bul jas mamandardyń bastapqy tájirıbe jınaqtap, eńbek naryǵynda básekege qabilettiligin arttyrýǵa múmkindik beredi. Kúni búgin osy maqsatta 1 161 túlek jastar tájirıbesimen qamtyldy.
Adamdardy qoǵamdyq jumystarǵa tartý, ásirese, aýyldyq jerde mańyzdy. Oblys boıynsha 6 012 adam osyndaı jumysqa tartylsa, sonyń 4 603-i - aýyl turǵyndary. Oǵan qosa aýyl turǵyndarynyń óz kásibin uıymdastyrýy men keńeıtýi úshin 310 adamǵa shaǵyn nesıe berildi.
Jumys berýshilerden túsken bos jumys oryndaryna 4944 adam ornalastyryldy.
Jumyssyzdardy eńbekke ornalastyrýda bos jumys oryndarynyń jármeńkesi mańyzdy ról atqarady. Jyl basynan beri 54 jármeńke uıymdastyrylyp, sonyń nátıjesinde 928 adam jumys ornyn tapty, 601 adam qoǵamdyq jumystarǵa tartyldy, 38 adam oqýǵa, 99-y áleýmettik jumys oryndaryna, 195 túlek jastar tájirıbesine jiberildi.
«Elimizde daǵdarystyń aldyn alyp, turǵyndardy barynsha jumyspen qamtý maqsatynda 2011 jyldan beri «Jumyspen qamtýdyń jol kartasy - 2020» baǵdarlamasy júzege asyrylyp kele jatqany belgili. Bul rette aýyldyq jerde turatyn jastar men áıelderge basymdyq beriledi. Bıyl atalmysh baǵdarlamany júzege asyrý úshin oblysqa 5 179,1 mln teńge bólindi. Onyń birinshi baǵyty boıynsha 215 nysandy jóndep, 2 327 jańa jumys ornyn ashyp, 1 173 adamdy ornalastyrý kózdelgen bolatyn. Toǵyz aıda 46 nysan jóndelip, sonyń 9-ynda jumys aıaqtaldy. 983 jumys orny ashylyp, 493 adam ornalastyryldy. Baǵdarlamanyń ekinshi baǵyty boıynsha 225 adam 571,6 mln teńge nesıeni mal sharýashylyǵyn damytýǵa paıdalandy. Sondaı-aq 28 adam 67,8 mln teńgeni qyzmet kórsetý, 18 adam 46,5 mln teńgeni óńdeý ónerkásibi, 9 adam 21,9 mln teńgeni qoǵamdyq tamaqtandyrý, 30 adam 78,9 mln teńgeni basqa salalarǵa baǵyshtady. Shaǵyn nesıe alýshylar 708 jumys ornyn ashty. Baǵdarlamanyń úshinshi baǵytyna sáıkes jumyssyzdar tegin oqyp, eńbekke ornalasýǵa múmkindik alady. Sonymen birge turǵyndardyń maqsatty toptarynan 374 adam áleýmettik jumys oryndaryna, 564 túlek jastar tájirıbesine jiberildi. Qalǵan jumystar jyl aıaǵyna deıin kezegimen atqarylatyn bolady», dedi J.Asantaev.