BQO-da 860 myń gektar jer memleket menshigine qaıtaryldy

ORAL. QazAqparat - Batys Qazaqstan oblysynda 2012-2016 jyldar aralyǵynda paıdalanylmaı jatqan aýyl sharýashylyǵy maqsatyndaǵy 1126,9 myń gektar jer anyqtaldy, dep habarlaıdy «QazAqparat» HAA tilshisi.

Ortalyq kommýnıkatsııalar qyzmeti óńirlik fılıalynda BQO jer qatynastary basqarmasynyń basshysy Álııa Muhanbetjanovanyń málim etkenindeı, 2016 jyly 122,9 myń ga jerdiń paıdalanylmaǵany belgili boldy. Qabyldanǵan sharalar nátıjesinde 860,2 myń ga jer memleket menshigine qaıtarylyp, sonyń ishinde 444,5 myń gektary jańadan qurylǵan agroqurylymdarǵa berildi. Al 253,8 myń ga jerdi ıeleri óz maqsatyna paıdalanýǵa kiristi.
11,2 myń gektardy quraıtyn jer teliminiń ıelerine qatysty materıal oblystyq jerdiń paıdalanylýy men qorǵalýyn baqylaý basqarmasyna joldanyp, sonyń 9,3 myń gektary boıynsha tıisti shara alyndy. 1,7 myń ga jer telimi ıesiz múlik retinde tirkeldi. Merzimi ótken soń ol da memleket menshigine qaıtarylady.

Qazirgi tańda qaıtarylǵan jerlerdi aınalymǵa qosý jumystary jalǵasýda.

BQO jerdiń paıdalanylýy men qorǵalýyn baqylaý basqarmasynyń basshysy Salaýat Nurǵalıevtiń sózine qaraǵanda, atalǵan mekeme jer zańnamasynyń saqtalýyna qatysty 2016 jyly 304 tekserý jumysyn júrgizdi. Sonyń nátıjesinde 119 zańbuzýshylyq anyqtalyp, 11,789 mln. teńge aıyppul salyndy.