BQO-da 84 aýyldy mobıldi ınternetpen qamtý josparlanyp otyr
BQO tsıfrlyq tehnologııalar basqarmasynyń basshysy Nursultan Nurlannyń málim etkenindeı, qazirgi tańda 35 eldi mekenniń tórteýinde jańa bazalyq stantsııa ornatylyp, 31-inde 4G standartyn qosý arqyly sapasyn jaqsartý jumystary júrgizildi.
Onyń sózine qaraǵanda, jyl sońyna deıin taǵy 49 aýylda mobıldi baılanys sapasy jaqsartylady.
QR Tsıfrlyq damý, ınnovatsııalar jáne aeroǵarysh ónerkásibi mınıstrligi Telekommýnıkatsııalar komıtetiniń óńiraralyq baılanys ınspektsııasy 2023 jyly mamyr aıyndaǵy málimet boıynsha nysandarǵa barý arqyly baılanys operatorlaryna qatysty baılanys qyzmetteriniń sapa kórsetkishterine sáıkestigine oraı 24 jospardan tys tekserý júrgizdi.
Eger de byltyr salynǵan aıyppul kólemi 46 mln teńgeni qurasa, bıyl 20 aýyl jáne Oral, Aqsaı qalalaryndaǵy tekseris nátıjesinde 59,5 mln teńgege aıyppul salyndy (onyń ishinde: Bılaın – 12,9 mln, Tele2/Altel – 36,2 mln, Ksell/Aktıv – 10,3 mln).
«Turǵyndardy statsıonarlyq ınternetpen qamtý úshin basqarma óńirdegi iri baılanys operatorlarymen («Qazaqtelekom», «Transtelekom» jáne Jusan Mobile) birge symdy jáne symsyz tehnologııalardy paıdalanyp, Oral qalasynda jáne aýdandarda dılerlik jeli arqyly jumystar júrgizýde. Mysaly, «Qazaqtelekom» kompanııasynyń «Aýyldaǵy tsıfrlyq seriktes» jáne basqa da jobalarymen 18 eldi meken qamtylýda. Oblys ortalyǵyndaǵy jeke sektordy (saıajaı turǵyndarymen qosa) ınternetpen qamtý maqsatynda Batys Qazaqstan elektr jelilerin taratýshy kompanııasymen birlesip elektr tirekterin qoldaný arqyly operatorlar jumys atqarýda», dedi N.Nurlan.
Oblysta barlyǵy 416 aýyldyq eldi meken bolsa, sonyń 305-i ınternetpen qamtylǵan. Qamtylmaǵan 78 eldi mekende 6,6 myń adam turady. Turǵyn sany 250-den kem 36 aýyl ınternetpen qamtý jobasyna engizildi.
Basqarma tarapynan QR Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip Oral qalasy jáne aýyldarda baılanys jáne ınternet jelisimen qamtý týraly jol kartasy ázirlenip, baılanys operatorlarymen kelisilýde.
Eske sala keteıik, budan buryn BQO-da 71,4 mlrd teńgege jol jóndeý júrgiziletinin jazǵan bolatynbyz.